“Construíndo a Galicia do futuro, máis humana e mellor conectada”

Convidada:

MARÍA MARTÍNEZ ALLEGUE

Conselleira de Vivenda e Planificación de Infraestruturas, Xunta de Galicia

Pontevedresa de nacemento, licenciada en Dereito pola Universidade de Santiago de Compostela, María Martínez Allegue é funcionaria de carreira de administración local con habilitación de carácter nacional, na subescala de secretaría intervención e subescala secretaría de entrada.

Dende o 2003 desenvolve a súa carreira profesional vinculada á administración local como secretaria, interventora ou tesoureira en diferentes concellos das provincias de Pontevedra e da Coruña.

En 2010 foi nomeada directora xeral da Axencia de Protección da Legalidade Urbanística (APLU), desempeñando de seguido diferentes cargos nas áreas de vivenda (IGVS) e infraestrutura na Xunta de Galicia.

Nas últimas eleccións ao Parlamento de Galicia foi elixida parlamentaria pola provincia de Pontevedra.

Foi nomeada conselleira de Vivenda e Planificación de Infraestruturas polo decreto 44/2024 de 14 de abril, cargo que desenvolve dende entonces.

No seu perfil máis persoal a conselleira de Vivenda e Planificación de Infraestructuras non se desliga de todo da súa profesión sendo unha persoa empática e considerada, coa absoluta convicción de que o respecto polas normas é a clave para a construción dunha sociedade na que prime a igualdade de oportunidades. Traballadora incansable, repasa cada decisión escoitando as diferentes perspectivas para garantir que a proposta é a máis adecuada para o ben común dos cidadáns.

Nai de catro fillos, destaca polo seu bo carácter pero defende con determinación a axilidade na resposta aos problemas que se presentan. Pide aos seus colaboradores ser resolutivos para garantir que o cidadán perciba que a política está ao servizo das persoas para resolver os seus problemas.